Afer troidigezh “bezhin glas” : un ti-embann breizhad en arvar [L’Agora]

Petra an diaoul a beg e Inès Léraud hag ar skipailh “Splann” ?

Goude bezañ huchet war ar rouedadoù sokial diwar-benn troidigezh ar vandenn treset “bezhin glas, an istor difennet” hag e vefe Inès Léraud hag he re o klask reiñ lamm-chouk-e-benn d’an ti-embann An Amzer ?

Ha bremañ, emañ Splann o paouez embann war e lec’hienn internet e ra ur wezh div wezh da An Amzer !

Petra a fell dezho ? Lakaat An Amzer d’ober freuz-stal ? Ha brav Inès Léraud ! Brav Tugdual Carluer ! Brav Splann ! N’eo ket marv mil den alato ! Levrioù a-galite a vez embannet gant An Amzer. Hag un ti-embann breizhad e Liger-Atlantel eo ! Ha staliet e su al Liger war ar marc’had ! Petra a chomo diouti ma vez rediet da adembann ar bandennoù treset ? Seurt embanner n’en deus ket daou wenneg da deurel ouzh toull ur c’hi. Ur gwir saserdos eo da vezañ embanner e brezhoneg.

Ya met “divaioù” a zo e bed ar brezhoneg. Kalz ! Hag amañ e weler SPLANN un emzalc’h diva ! “Cheñchet zo bet ur ger pe zaou em zroidigezh ! Mastaret eo ma oberenn ! Feiz !” setu ar pezh a glever gant tud zo.

Inès Léraud, Tugdual Carluer, Splann ha ne ouian ket piv a zo a-dreñv dezho a zo vont da zistruj un embanner breizhad eus Liger-Atlantel evit disterachoù ha se zo grevus. Grevus ha dipitus.

Ha lakaat Splann er jeu evit ur afer brevez a zo ken dipitus all. Da betra a servij Splann a-benn ar fin ? Un benveg fri furch pa vez gwregon da lodennañ etre homañ hag hemañ eo ?

Foei da zivaioù ar brezhoneg ! Foei da seurt emzalc’hoù poezon !

[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine