E Brest, ar boulouard Gambetta a oa e strabouilh, dimeurzh : un Albaniad, anavezet mat evit skeiñ gant e wreg, en doa en em vac’het en e ranndi, gantañ ur fuzuilh !
Tro 5e mintin en doa kroget an afer : huchadennoù a voe klevet er boulouard. Ar paotr en e 30 vloaz a felle dezhañ skeiñ gant e wreg hag e vugel ur wech ouzhpenn. Gantañ e oa ur fuzuilh ar wech-mañ. Evit ober o jeu ?
Goude ur pennad e stlepas e gartouchennoù dre ar prenestr, memestra. Ouf ! Ha neuze e roas e fuzuilh d’ar boliserien a oa degouezhet er straed ar buanañ ar gwellañ. Met ne felle ket dezhañ mont er-maez ! E-unan e oa en e ranndi hag aon o doa ar boliserien e vefe armoù all gantañ.
Goude eurvezhioù o chaokat gerioù gantañ e plegas e douchenn hag en em rentas d’ar boliserien, tro 10e memestra, 5 eurvezh goude an huchadennoù kentañ !
Hag ur vanifestadeg a feministed a vo aozet e Brest goude an afer-mañ ? Ne soñj ket din, un estrañjour eo an den feuls, neuze en deus ur seurt « totem digastiz » evit an tu-kleiz e-giz ‘vez lavaret e Koh-Lanta.
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
