Tregastel : 63 000 sin a-enep astenn ar savadur Belambra Club

Ha droad zo d’ober seurt savadurioù c’hoazh ? E Tregastel (Bro Dreger) 63 000 sin a zo bet rastellet gant ar gevredigezh “Halte au bétonnage de la Côte de Granit rose” a-enep astenn ar savadur Belambra Club.

Hag ur pikol raktres eo : 45 lojeiz, 70 metr a hirder, 10 metr a uhelder, just dirak ar mor. Abaoe dek vloaz emañ emsaverien an natur o stourm a-enep ar savadur hag aon o deus e krogfe al labour deiz pe zeiz.

Evit sevel o mouezh he deus lañset ar gevredigezh ur petision ha muioc’h evit 63 000 sin a zo bet rastellet dija. War un dro eo bet kaset ar raktres dirak al lez-varn abalamour d’ur gudenn en aotre sevel. Emañ an emsaverien o c’hortoz an diviz.

https://actu.fr/bretagne/tregastel_22353/tregastel-petition-plus-de-63-000-signatures-contre-un-projet-d-immeuble_45353164.html

[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine