Galvet e oa bet labourerien ar mediaouegoù da ziskregiñ gant al labour digwener dremenet gant ar sindikad SUD ha heuliet eo bet an emsav e Bro-Ankiniz : 14 levraoueger diwar ar 26 a zo er rouedad o deus harzet gant al labour.
Peder levraoueg a zo serret zoken (hini Ankiniz en o zouez) rak ne oa den ebet evit degemer an dud. Sevel o mouezh a-enep ar Pas Yec’hed a felle d’al levraouegerien ober dre ziskregiñ gant al labour. Abaoe an 10 a viz eost dav eo kaout ur pass yec’hed evit mont tre er mediaouegoù ha n’eo ket ar re a labour enne evit kompren an diarbenn-mañ. Gouez dezhe eo ar “gwir d’ar sevenadur, ur gwir ha n’haller ker e werzhiñ”.
Reklem a reont e vefe echu gant ar Pas Yec’hed evit mont d’al levraouegoù pe adlakaet an dalc’had (jaoj) 50 den.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
