Bep bloaz abaoe 2009 e Bro-Skos e vez aozet ur genstrivadeg gant ar Scottish Book Trust evit enoriñ ar skrivagnerien nevez e gouezeleg ha n’o deus ket embannet o skridoù c’hoazh. Shelagh Campbell (Shelagh Chaimbeul e gouezeleg), ur plac’h en he zregont vloaz eo al loreadez 2022. D’ar 25 a viz genver eo bet embannet an disoc’hoù gant juri ar c’honkour.
Desket he deus gouezeleg e 2005 ha kroget da skrivañ un nebeut bloavezhioù war-lerc’h. E 2020 dija he doa gounezet ur priz evit un istor evit ar vugale bet embannet war ar gazetenn Northwords Now.
2000 lur he deus bet ar wech-mañ hag ur skoazell evit embann he levr ha kuzulioù a-berzh tud a-vicher eus bed an embann hag ar romanchoù.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
