Met piv a glask afer ouzh Kreizenn Sokial Felger ‘ta ?
Tan a zo bet lakaet e minibus ar gevredigezh Familles Actives e-kerz an noz etre an 12 hag an 13 a viz mae. Dirak ar greizenn e oa parket ar minibus-mañ. Ha n’eo ket ar wech kentañ e c’hoarvezh seurt tra : d’ar 6 a viz ebrel e oa bet plantet tan er greizenn liesdegemer dija. Hag e miz meurzh e oa ur c’harr-tan a oa bet devet war an hevelep parkva. Un dra a zo sur : unan bennak a zo o klask afer ouzh ar greizenn hag an dud o labourat e-barzh. Met piv ?
Met kevredigezhioù all a zo dindan bec’h : d’an 11 a viz mae eo pevar c’harr-tan a zo aet e ludu e kreiz-kêr Felger ha daou vinibus eus ar Fougères Basket a zo bet devet war parka ar sal Mimi-Reno !
Forzh penaos ez a war-falaat an traoù e straedoù Felger gant kudennoù surentez a seurt ne oa ket anezho a-raok. Dav eo lavarout emañ poblañs Felger o cheñch…
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
