Anze ema fier-ruz archerion ar Morbihan get ar pezh o deus kavet ‘ba tier ag ar Morbihan uhel : drammoù a bep seurt hag a vil-vern !
D’an 3 a viz c’hwevrer e voe galvet ar soudarded ‘ba Benion, e-tal koad Brekilien : un oto a oe bet laeret ha feuls e oe bet ar laeron e-keñver ar bleniour. A vihan da vras e komprenas an archerion e oe un afer trafikiñ dramm a-dreñv ar laeroñsi-mañ. Tamm-ha-tamm e tirouestljont ar gudenn betak Gwer ha neuze Ploervael ma voe serret daou labous. Aon o deus an archerion ne veze ket gouniet o zamm bara en un doare simpl hag onest gete.
12kg a gannab a zo bet kavet, kokain ha 20 000€ e bilhedoù.
E miz meurzh e vo barnet an dud serret.
Crédit photo : kont Facebook Archerion ar Morbihan
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
