D’an 13 a viz kerzu zo bet kondaonet ur studierez brestad a 27 vloaz gant ar varnadurezh etrerannvroel ispisialiset (JIRS) eus Brest. Petra ‘oa rebechet dezhi ? Bezañ kemeret perzh en un trafik dramm etrebroadel. Kannap, kokain a veze trafiket gant ur strollad etre 2021 ha 2023 hag e oa hi un ezel oberiant ennañ. Liammet gant Albania e oa ar strollad ha kalz tud a-orin eus ar vro-se e oa ennañ. Dre ar vesajerezh kriptek SkyECC e komze ar re-se. Kavet o deus ar boliserien e veze graet kalz beajoù etre Bro-Spagn, Luxembourg, Breizh hag Albania. Ha lod eus ar veajoù-mañ a veze graet gant ar studierez. Dirak ar varnerien e oa leun a bloumezoun anezhi ! Hervezi e veze kaset ha degaset « dilhad » etre tout ar vroioù-se. Hep mui ken !
Siwazh dezhi n’eo ket bet kredet gant al lez-varn. Pemp bloavezh toull-bac’h he deus bet. Hag hi o studiañ an ekonomiezh e skol-veur Brest ! He c’homper hag a oa o chom e Bro-Spagn a zo bet kondaonet da eizh vloaz. Hag a c’hello ober met pa vo tapet : war-dec’h emañ evit poent !
Illustration : DR
[cc] Breizh-info.com, 2024 dépêches libres de copie et diffusion sous réserve de mention de la source d’origine
