E Galway (pe Gaillimh e gouezeleg) ez eus ur vaerez nevez dilennet e penn kentañ ar sizhun gant ar c’huzul-kêr : Helen Ogbu an hini eo. Ur gêr eus proviñs ar C’honnacht eo Galway, kêrbenn ar sevenadur ha sonerezh iwerzhon. Hervez niveradeg 2011, un drederenn eus an annezidi a oare gouezeleg hag un den diwar 8 a gomze ar yezh bemdez en e familh pe er labour.
Eus ar sokialour-mirouriezh d’ar wokism
Ar wezh-mañ zo bet dilennet ur vaerez eus ar Labour Party, seurt PS iwerzhonad, hag a voe savet gant James Connoly e 1912 !
Gwezhall e oa ar Labour Party ur strollad « sokialour-mirour », sokialour war ar sujedoù ekonomikel ha sokial ha mirour war ar sujedoù kevredigezhel ken niverus e oa ar gatoliked e Bro-Iwerzhon.
Met cheñchet en deus ar Labour gant ar reveulzi wok. Bremañ en deus un is-strollad LGBT ennañ ha kaset en deus war-raok tout ar sujedoù wok hag enep-broadel er gevredigezh iwerzhonad an degadoù diwezhañ.
Ar wezh-mañ en doa anvet Helen Ogbu evit mont war ar renk en e anv e votadegoù-kêr Galway eus 2024. Ganet eo bet ar vaouez-se e Nijeria a-raok divroiñ da Vro-Iwerzhon 20 vloaz zo peogwir e oa he gwazh un emsaver politikel. Bevet he deus en ur greizenn goulennerien bod gant he merc’h a-raok kaout paper hag ar geodederezh iwerzhonad da heul. Etretant e vo drouglazhet he gwaz en Nijeria.
Kaset eo bet war-raok gant ar Labour abaoe 2024 pa voe dilennet evel kuzulierez-kêr. E-pad ar prantad-kabaliñ e voe souezhet tud Galway peogwir e oa ar wezh kentañ ma oa ur c’huzulier du e kuzul-kêr Galway. Lod a lavare e oa ur sin fall evit Bro-Iwerzhon hag a reas anaoudegezh gant ar Remplasiñ Meur en ur lakaat tizh, abalamour da Angela Merkel hag he folitikerezh « No Border » e 2015.
Souezhet tud Galway
Ha bremañ emañ stegnoc’h c’hoazh an traoù e kêr Galway pa oa bet komprenet gant an dud o doa ur vaerez estrañjour a-orin bremañ. E Bro-Iwerzhon e vez dilennet ar vaered evit ur bloavezh nemetken. Ur rol enorus eo ha n’eo ket eñ mestr an ti evel e Bro-C’hall. Bep bloaz e vez cheñchet liv politikel ar maer diouzh ar strolladoù a zo er c’huzul-kêr. Met ar wezh-mañ zo bet dilennet ur vaerez o tont eus an Nijeria, ha Bro-Iwerzhon, norzh pe su, o virvilh gant ar manifestadegoù a-enep an enbroidi. Hervez lod e vefe ar choaz-se un itrik marc’hatet etre ar Sinn Fein, ar Fianna Fail, ar Labour ha kuzulierien dizalc’h evit gwelaat skeudenn ha brud ar repuidi e Bro-Iwerzhon.
A-benn ar votadegoù kentañ e fell d’ar labour lakaat anezhi war ar renk evit gounit ur sez kannad e pastell-vro Galway kornôg.
E-barzh he frogram, Helen Ogby he deus lavaret e felle dezhi « lakaat da sevel lojamantoù sokial e-leizh » e Galway. Ha gwir eo ez eus un diouer mantrus a lojamantoù marc’had-mat e Bro-Iwerzhon. Met en ur c’houlenn a ra Iwerzhoniz « peseurt doare tud » a vo lakaet er lojamantoù nevez-se, iwerzhoniz pe repuidi ? Kar e Bro-Iwerzhon an estrañjourion a zo ur lodenn eus kudenn an diouer a lojamantoù.
Hag evit degas dour d’o frad he deus lavaret Helen Ogbu kerkent ha dilennet e felle dezhe e vefe kêr Galway ur « welcoming city » evit gwir « evit an nep a fell dezhañ ober annez amañ ». Sklaer he jeu neuze !
E Bro-Iwerzhon, evel e Bro-C’hall, tud gwenn eus an tu-kleiz o deus kaset war-raok Ramplasiñ Meur ar bobl orin ha bremañ emaint oc’h aozañ o Ramplasiñ Meur dezhe en o strolladoù dezhe. Evel LFI du-mañ.
E Bro-Iwerzhon evel e Bro-C’hall hag e vefe ideologiezh an tu-kleiz ur c’hleñved spered ?
Foto : Labour Party
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
