Ur c’helc’hlizher nevez diwar-benn kelenn ar yezhoù rannvro en Deskadurezh Stad a zo war ar stern. Er c’helc’h-lizher-mañ e vo ouzhpennet flamank-ar-c’hôrnog e roll ar yezhoù anavezet gant ar ministr. Pezh a dalv e c’hello ar mistri-skol aozañ kentelioù flamankeg er skolioù eus arondisamant Dunkerques hiviziken.
Pezh zo, ne vefe ket ar pikardeg er roll nevez, diouzh ar pezh a glever. Emañ Xavier Bertrand prezidant ar rannvro « Haut de France » (m’emañ ar Pikardi enni) o paouez skrivañ da Jean-Michel Blanquer evit ma vefe kemeret e kont ar pikardeg ha n’eo ket ar flamankeg nemetken. En e rannvro e vez komzet an div yezh.
Roll ar yezhoù anavezet gant an Deskadurezh-Stad betek-henn : euskareg, brezhoneg, katalaneg, korseg, kreoleg, gallaoueg, okitaneg-yezh ok, yezhoù rannvroel eus Elzas, yezhoù rannvroel eus ar Broioù Mozelan, tahisianeg, yezhoù melanezian (drehu, nengone, païci, aïje), walizianeg ha futunieg.
https://www.facebook.com/xavierbertrand02/photos/a.10152748717654094/10159113598334094/
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
