[Hizivadur 3] Emañ Yvan Colonna o paouez bezañ kaset da ospital Marseille. E gourhun goude-anoksek eo hervez e vreutaer.
[Hizivadur 2] Poltred an tagour, ur penn gall 36 vloaz anezhañ troet d’an islam ha bet o stourm en Afghanistan.
[Hizivadur 1] Tolpadegoù a vo fenoz dirak prefetioù hag is-prefetioù Corti, Aiacciu ha Bastia da 6e30 GM evit souten Yvan Colonna ha reklem e vefe dibrizonet an holl brizonidi korsad. Galvet korsiz da gemer perzh gant an holl strolladoù broadelour : Ghjuventu Independantista, Ghjuventu Paolina, Core in Fronte, Femu a Corsica, Corsica Libera, …
[Pennad orin] Taget eo bet ar prizoniad politikel korsad Yvan Colonna e toull-bac’h Arles ar merc’her mintin-mañ gant ur den er vac’h eveltañ. Drouglazhet e vefe bet goude bezañ kaset d’an ospital met n’eo ket a-unvouezh ar boliserien hag ar vreutaerien war ar poent-se. Etre bev ha marv e vehe hervez e vreutaer.
Un islamour eo an tagour, bet toullbac’het en Afghanistan kent.
Kaset e oa bet Yvan Colonna d’an ospital ha lakaet dindan analer artifisiel.
Goulennet en doa Yvan Colonna bezañ dibrizonet meur a wech pe kaset e toull-bac’h Borgu e Korsika. En aner. Abaoe bloavezhioù emañ e toull-bac’h kreiz Arles e Provañs gant prizonidi dañjerus-tre.
Alain Ferrandi ha Pierre Alessandri, barnet ha kondaonet e-barzh afer Erignac, a c’hellfe bezañ dibrizonet ivez me chom a reont en toull-bac’h. Ha zo gwasoc’h : Bloavezhioù goude bezañ bet kondaonet o deus holl ur statud a zDPS c’hoazh !
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
