Nag ur souezh ! Kêr-bPikouz eo deuet da vezañ karter Maurepas e Roazhon gant trafikañ dramm noz-deiz ha daoust d’an diskennoù polis ne ziskrog ket an drafikourien gant o aferioù.
D’an 31 a viz mae e tegouezhas ar bolis evel ur bleiz etre an tourioù, 6 alez Maurepas kement ha bezañ rezis, el lec’h ma oa bet tennet war ar boliserien bloaz zo. C’hoant ganto gouzout penn d’an afer-mañ ! A-benn ar fin e voe serret ur gwaz ganto. Ur paotr a-orin eus Mayotte. Gantañ o deus kavet armoù a bep seurt : pistoled-mindrailher, fuzuilh pomp, kartouchoù… ha mil seurt drogach warn-ugent : kannab, kokaïn,….
Prezentet e vo d’ar barner ha barnet diwezatoc’h gant 8 den all bet serret a-raok.
N’eo ket ar wech kentañ e vez serret ur Mahorad e Maurepas, diskred warnañ bezañ trafiket dramm. Hag ur mafia mahorad a vefe e Breizh ? Ha penaos e vo an traoù ma vez “strewet” o c’hendirvi eus ar C’homor e pep lec’h e Breizh hag e Bro-C’hall ?
Da c’hortoz e kendalc’h an trafikoù e Maurepas !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
