Eüruzamant o deus bet archerien Kastell-Briant poell ha kondu d’ar 18 a viz even, mod-all e vefe bet un eil afer Nahel, met e Bro-Vaez ar wech-mañ !
Ur paotr yaouank en e 21 vloaz a oa pennfollet an deiz-se. Bleinañ a rae hep aotree hag hep asurañs, dañjerus e oa war an hent, ne rae ket foutr ouzh ar panelloù “harz”, ar gouleier triliv, ar prioriezhioù a-zehou ha tout. Forzh penaos e oa bet kondaonet evit ar memes fedoù dija hag ur goursez a oa war e chouk.
Mont a reas an archerien war e lerc’h met plantañ a reas tizh ar paotr yaouank ken e e skoas e-barzh karr-tan an archerien, leusket e vignonezh ha daou gomper mui ar wetur war e lec’h goude ar gwall-zarvoud ha skampañ kuit, berr e lost.
Anavezet e oa gant an archerien avat, neuze e voe serret diwezatoc’h ha kaset d’al lez-varn.
Kondaonet eo bet da c’hwec’h miz a doull-bac’h gant goursez mui 135€ a gastiz.
M’o defe tennet warnañ an archerien e vefe “un ael aet d’an anaon re abred”, ar archerien, eus o zu, a vefe dija en toull-bac’h hag o familh er Pol Su !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
