Diouzh ar c’hiz eo da vont d’an ospital evit bezañ difrouezhet, operataet, sterilizet. Ha betek en Emsav ma weler hen-mañ-hen war ar rouedadoù sokial, un tog ospital war ar blev, drev he fenn, o c’hortoz he zro war an daol. Merc’hed dreist-holl. Fier da vezañ « troc’het », difrouezhet, divugelet. Ha lod o justifiañ o follentez gant an « hin » o tommañ !
E-keit-se, emañ ar bed o treiñ ha pobloù all d’ober babigoù. Ar Bank Bedel a zo o paouez embann un danevell heñchañ war tem al labour : a-benn 2050, ur bugel diwar bemp en oad da labourat a vo o chom en Afrika. Hervez unan koshañ, embannet e 2017 gant an UNICEF, e vo Afrikan ur bugel diwar dri a-benn 2050 !
Er bloavezhioù 2000 e veze peget skritelloù « Bretons faites des bébés » gant emsaverien Adsav. Ma zo bet graet babigoù evit gwir gant an emsaverien a bege ar skritelloù-mañ o deus tapet o 20 vloaz bremañ. Daoust hag e c’hello ar « babigoù » bras-mañ talañ ouzh al « lañv du » (ur skritell all eus Adsav) a zo oc’h aloubiñ hor bro ? Daoust hag e vo komprenet gant ar vretoned, ha da gentañ holl, bretoned an Emsav, ne vo ket mui bretoned a-benn 2050 ma kendalc’h an traoù e-giz se ?
Ne vo ket savetaet ar brezhoneg gant bugale o tont eus Afrika pe Siria. Ne vo ket savetaet ar brezhoneg gant ar re all. Ne vo ket savetaet ar brezhoneg dre sevel skolioù Diwan e karterioù aloubet evel ar Zup Sud e Roazhon pe Bellevue e Naoned. Ne vo ket savetaet ar brezhoneg dre ar c’hêrioù afrikanizaet muioc’h-mui. Poent eo advrezhonegizaat ar c’hêrioù bihan eus Breizh-Izel ma chom c’hoazh un tamm bretoned. Poent eo advrezhonekaat ar c’harterioù bihan eus Breizh-Izel e-lec’h en em douellañ gant prezegennoù marksour ar « c’harterioù gwerinel » eus Roazhon pe Naoned pe Brest zoken hag a vo kement ha douaroù ma tiwano ar brezhoneg en-dro evel a lavare an Emsav er bloavezhioù 80.
A-benn 2050, un den diwar bemp en oad da labourat a vo o chom en Afrika. O chom en Afrika…a-raok kemer penn an hent war-du karterioù hor c’hêrioù bras ‘m eus aon ! Bugale ma c’hoar a zo e Diwan Kemper e Penharz. Ha piv a gred evit gwir e vo komzet brezhoneg en-dro e straedoù Penharz, estreget gant bugale ar skol Diwan ha n’int ket eus ar c’harter-se !
Savomp kêriadennoù brezhoneger un tamm e pep lec’h e Breizh-Izel, kumuniezhoù ungenezh ha frouezhus ma c’hello gwir vretoned desevel o bugale e brezhoneg, war patrom Kêrvrezhon da skouer ha foei gant hunvroù kozh ha marksour ar « c’harterioù gwerinel ».
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “A-benn 2050, un den diwar bemp en oad da labourat a vo o chom en Afrika”
Klasket ez eus bet sevel ur gêriadenn evel-se en-dro da Vinic’hi Levenez eTrelevenez. Meur a familh a oa deuet d’en em staliañ eno, ha tud dizimez. Ur pezh c’hwitadenn e voe p’emañ Trelevenez pell bras diouzh ar c’hêrioù just a-walc’h, e lec’h emañ ar postoù labour ha kalz muioc’h a virvilh gant metou an Emsav. Nann, hervez va skiant prenet e ranko ar c’houbladoù da zont chom e kêr ha gwiadiñ liammoù kenetrezo a-benn kaout nerzh a-walc’h evit merañ raktresoù evel JIBIDI e Brest. Netra a vad ne zeuio eus kêriadenn a netra Nazared ‘mit c’hwi ? A c’hell bezañ e vefe moaien sevel kumuniezhoù bihan war ar maez, met neuze, evel e Kêrvrezhon, gant tiegezhioù en em glev mat-tre ha ganto ur raktres-buhez o klotañ gant ar vuhez war ar maez. Hag a spered kristen d’am soñj. Evel aze : https://www.colibris-lafabrique.org/les-projets/eco-hameau-de-la-benisson-dieu