Erwan Seznec an hini eo en deus skrivet ar pennad-mañ war Le Point. Hag emañ ar c’hazetenner-mañ o chom e Penn-ar-Benn (goude bezañ bet o chom e Paris e-pad pell). Marteze en deus klevet mouezh an avel. Avel ar frankiz. Avel ar re o deus c’hoant e vefe emren Breizh ha tiriadoù all o identelezh kreñv.
Hervez ur sondadeg bet urzhiet gant Le Point hag embannet e disoc’hoù war ar gazetenn, ez eus kalz a C’hallaoued a zo tommoc’h ouzh o rannvro eget ouzh Bro-C’hall. E Breizh, 30% eus an dud a soñj mod-se da skouer (pell eus an 57% a Gorsiz avat). E Breizh n’eus ket nemet 29% eus an dud o deus aon e vefe skoet unvaniezh ar Republik ma vefe roet muioc’h a emrenerezh d’ar rannvroioù. Da geñveriañ gant ar 55% a zo er Bourgogne Franche-Comté da skouer. Souezhusaat tra : votourien an RN a zo ar re dommoc’h ouzh emrenerezh ar Rannvrioù. Ha Gilles Penelle a-enep an emrenerezh er C’huzul rannvro !
A-hend-all, 62% eus an dud aterset a zo evit ma vefe gwarezet ar yezhoù rannvro.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “62% eus ar c’hallaoued evit ar yezhoù rannvro ha muioc’h a emrenerezh evit ar rannvroioù”
Ur sontadeg all gant “Evit ma vevo hor yezhoù” a zo un aozadur kleizelour a ziskouez ez eo tommoc’h voterien Zemmour ouzh ar yezhoù miniret (62 %) eget re Vacron(48%) :
https://www.pourqueviventnoslangues.org/communique-les-jeunes-plebiscitent-largement-la-promotion-des-langues-regionales/