‘ba Brec’h, ‘ba Bro An Alre, e vourer bras ag ar berton. Bremañ ema divyezhek pennad-stur ar maer àr magazin ar gumun da skouer ha soutenet e vez muioc’h c’hoazh ar filierenn divyezhek ‘ba skol bublik, hini ar Pont Douar, dibaoe ar votadegoù diwezhañ.
Kar dibaoe ar votadegoù diwezhañ eh eus ur guzulierez mennet get hor berton : Hélène Serve-Catelin an hini eo. Ha hi zo ezel a Dam Araok, ar gevredigezh dañsoù Breizh a Vrec’h.
Hi a venn tizh live 3 karta Ya d’ar Brezhoneg ha setu ar gaoz ema é kreñvaat plas hor langach ‘b’ar gumun. Evit skouer : ‘B’ar levraoueg eh eus 450 levr e berton dija, pezh zo kalz e-keñver ar pezh a gaver ‘ba levraouegoù arall.
Pa oe tremenet ar Redadeg ‘miz paseet e oe bet prenet ur c’hilometr get ar gumun hag un dijuniñ oe bet profet d’ar redourion ‘ba Kafe berton get kanennoù ha dañsoù Breizh.
Get ma vehe kumunioù arall a Vro Gwened é kemer skouer diàr Brec’h!
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
