Daou goñvers a oa bet laeret gant armoù e Bro-Raez d’ar 27 ha 29 a viz meurzh : unan e Sant-Leven-ar-C’hoad hag egile e Sant-Filberzh-Deaz. Bewech, an daou laer a oa mouchet o dremm. Diaes da anavezout anezho neuze. Diouzhtu e soñjas an archerien e daou zen : ur eontr hag e niz. Termajied an daou hag anavezet mat e archerdioù ar vro evit un aridennad a laeroñsi ha trafikoù a bep seurt. Ha justawalc’h, goude an daou « brakaj »-mañ e oa bet serret an niz evit brakajoù all. Abaoe-se emañ en toull-bac’h.
Met tro-dro d’an daou goñvers n’eus tamm videoevezhierezh ebet. Dibosupl da c’houzout sklaer hag int eo pe get. Diouzh ar pezh o deus gwelet an daou goñversant unan anezho a denne kalz d’an hini en deus lakaet ur bistolenn dindan o frioù memestra. Ha ma… ? Hervezañ e c’hellfe bezañ un « den pakret dezhañ ». Adkavet eo bet e ADN war un tamm pilh memestra met, hervez e vreutaer, e c’hellfe bezañ servijet d’un den-kar evit goloiñ an arm a servijas d’al laeroñsi.
A-benn ar fin eo bet didamallet dre ziouer a brouennoù sur. Met chom a raio en toull-bac’h memestra rak diskredet eo bet laeroñsioù all warnañ. Ha kavout a ra gwelloc’h e familh e chomo er prizon forzh penaos rak mod-se ne c’hello ket en em reiñ d’ar gokain !
Setu ur gwir chañs evit Breizh !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
