Sant-Riwal (29) : sevel a reont o mouezh evit saveteiñ ar c’hlas divyezhek

Div glasad a 8 live, setu penaos e vo an traoù evit skipailh pedagogel ha bugale skol bublik Sant-Riwal er Menez Arre ar bloaz a zeu. Ha serret e vo ar c’hlas divyezhek brezhoneg-galleg war ar marc’had ! Diviz ar rektorelezh eo. Hag hi ar c’hentañ hini digoret e Penn-ar-Bed e 1983 kar goulennet e oa bet gant ar c’huzul-kêr d’ar mare-se. E Sant-Riwal, d’ar mare-se, e veze gouvezet brezhoneg c’hoazh gant niver a dud. Abaoe eo divyezhek an holl glasoù deus ar skol. An holl vugale deus Sant-Riwal a oar un tamm brezhoneg d’an nebeutañ (war-bouez ar re az a da Sizun pe Brasparzh er c’hlasoù unyezhek, o choaz eo).

E Sant-Riwal emañ an dud o skrignal abaoe m’eo bet embannet diviz ar rektorelezh. Tud bugale ar skol evel just met ar re-se n’int ket o-unan. Diriaou tremenet e oa bet serret ar skol memes. Un harz-labour evit diskouez emañ tout ar gumun a-enep diviz an Deskadurezh-Stad.

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.