“Bono” pe “Le Bono” ? Dibaoe 75 vloaz ema chifet an dud pa vez kaoz da skriviñ anv ar gumun-mañ a Vro An Alre. Ent-ofisiel eo “Bono” met diàr ur fari bet groeit 75 vloaz zo àr kazetenn ofisiel ar Republik Gall e ta an anv-se. Aveit gwir eo “Le Bono”. Hag implijet ar gwir anv gallek get mar a ensavadur : Kuzul rannvro Breizh pa ne vez ken.
Stourmet he deus kêr ar Bonoù evit ma vehe cheñchet anv ofisiel ar gumun hag asantet eo bet d’an 12 a viz gwenholon 2022 : ur fari a oa bet groeit d’ar 01 a viz gouel-mikael 1947 ha difariet eo bet àr fichieroù ar stad. An INSEE e oa an ensavadur diwezhañ he doa da cheñch he fichieroù ha groeit e vo e miz mezheven a lâras an Institut. Mod-se e c’hello ar GPSoù bout lakaet en o reizh, da skouer.
E brezhoneg, Ar Bonoù (distaget “Er Boneù”) eo anv nemetañ ar gumun ha biskoazh ne cheñcho !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
